Үкімет Қазақстандағы бір қызметкердің орташа айлық жалақысы келесідей болады дейді:
2024 жылы — 396 мың теңге;
2025 жылы — 431,6 мың теңге (+8,9%);
2026 жылы — 466,9 мың теңге (+8,1%);
2027 жылы — 500,7 мың теңге (+7,2%);
2028 жылы — 536,3 мың теңге (+7,1%);
2029 жылы — 573,7 мың теңге (+6,9%).
Ұлттық статистика бюросының мәліметінше 2024 жылдың бірінші тоқсанында орташа айлық жалақы 382,2 мың теңге болды. Ол Қазақстандағы барлық жұмысшының жалақысынын орташа арифметикалық мәні ретінде есептеледі. 2025-2029 жылдар аралығындағы ең төменгі жалақы үкіметтің болжамы бойынша қазіргідей 85 мың теңге болып қалады. Өмір сүру минимумы 2025 жылы 46,2 мың теңге, ал 2029 жылы 56,4 мың теңгеге дейін өседі. Табысы ең төменгі күнкөріс деңгейінен төмен халықтың үлесі осы жылдар ішінде 5,3%-дан 5%-ға төмендейді. 2025 жылы ең төменгі зейнетақы мөлшері жыл сайын шамамен 5 мың теңгеге өсіп, 62,7 мың теңге болуы мүмкін. Нәтижесінде 2029 жылы ең төменгі зейнетақы мөлшері 82,6 мың теңге болады деген болжам бар. Қазақстандықтардың орташа айлық жалақысы 2029 жылы 573 мың теңгеден асады. Бұл Қазақстанның 2025-2029 жылдарға арналған әлеуметтік-экономикалық даму болжамында айтылған. Ең төменгі есептік көрсеткіш 2025 жылы 3,9 мың теңгеден 2029 жылға қарай 4,8 мыңға дейін өседі деп болжанды. Осы жылдардағы
жұмыссыздық деңгейі 4,7% болады. Қазақстан халқынын саны 2029 жылға қарай 21,3 миллион адамға жетуі мүмкін. Оның ішінде жұмыспен
қамтылған халық саны — 9,4 миллион адам. Осы уақытка дейін өмір сүру ұзақтығы 77 жаска дейін артады.