Қызылордадағы мектепте оқушы бұрыш спрейін шашып, 20-дан астам оқушы облыстық балалар ауруханасына жеткізілді. Облыстық Полиция департаменті ақпаратты растады. Полиция хабарламасында «Қызылорда қаласындағы №9 орта мектепте бұрыш спрейін қолдану дерегі бойынша қылмыстық іс қозғалды»,-делінген.
Оқиға 3 қазан күні қаладағы мектептердің бірінде болған. Зардап шеккен оқушылардың айтуынша, оқиға шамамен сағат 17:00-де болған.
Облыстық көпсалалы балалар ауруханасы 7 мен 12 жас аралығындағы 20-дан астам бала түскенін мәлімдеді. Олардың барлығы іш ауруына, жүрек айнуына, тамақ ауруы мен ауыздағы жағымсыз иіске шағымданған.
Полиция бұл факті бойынша материалдар кәмелетке толмағандар ісі жөніндегі комиссияның қарауына жіберілетінін атап өтті.