Қазақстандық атақы әнші Димаш Құдайберген Әлемдік және дәстүрлі діндер көшбасшылары съезінің Ізгі ниет елшісі болып тағайындалды.
Оған 5 адам ұсынылған. Арасында Димаш Құдайберген болған еді. Хатшылық отырысына қатысушылар бес үміткердің кандидатурасын бірауыздан мақұлдады.
Тізімде Димаш Құдайбергеннен бөлек Иерусалим Патриархы III Феофил, Англикан қауымдастығы бас хатшысының орынбасары Бэйли Уэллс, Мұсылман ақсақалдар кеңесінің Бас хатшысы Мұхаммед Әбдел Салам, Вьетнам буддистік сангха атқару кеңесі төрағасының орынбасары, бас хатшы Тик Дык Тьен бар.