Үкімет Ұлттық қордан тағы 2 трлн теңге алмақшы
⠀
Мәжіліс депутаттары 2024 жылға арналған кірістер болжамын нақтылайтын заң жобасын жұмысқа алды.
⠀
Депутат Татьяна Савельеваның айтуынша, жоба екі негізгі бағыт бойынша республикалық бюджет көрсеткіштерінің өзгеруіне байланысты әзірленді.
⠀
“Біріншіден, 2024 жылға арналған кірістердің нақтыланған болжамы бекітілген жоспардан 2 триллион теңгеге төмендеген. Бұл ретте мақсатты трансферт түрiнде Ұлттық қордан қосымша 2 триллион теңге тарту жоспарлануда, – деді Мәжіліс депутаты Татьяна Савельева.
⠀
⠀
Сөзінше, республикалық бюджеттің шығыстары мен тапшылығының параметрлері Үкіметтің 2023 жылға арналған бюджет қалдықтарын пайдалана отырып, 61,3 млрд теңге сомасында жүргізген бюджеттік түзетулерін ескере отырып өзгертілген.
⠀
“Осылайша, республикалық бюджеттің нақтыланған шығыстары бекітілген көрсеткішке қатысты 61,3 млрд теңгеге ұлғая отырып болжанады. Биылға тапшылық 3,6 трлн теңге, сондай-ақ 61,3 млрд теңгеге ұлғаяды”, — деп түсіндірді Татьяна Савельева.
⠀
⠀
Депутаттар құжатты жұмысқа қабылдап, ол бойынша қорытынды әзірлеуге дайын.