TikTok жасөспірімдерді қорғау үшін «Отбасылық баптаулар» мүмкіндігін кеңейтті. Енді ата-аналар балаларының түнде қосымшаны қолдануына тосқауыл қоя алады.
«Отбасылық баптаулар» функциясының жаңа «Ұйқы уақыты» режимі ата-аналарға:
- TikTok-қа кіру уақытын шектеуге;
- Күнделікті қайталанатын кесте жасауға;
- Белгілі бір уақытта қолданбаны пайдалануға рұқсат беруге немесе шектеуге мүмкіндік береді.
Сондай-ақ ата-аналар:
- Баласының кімдерді көретінін және аккаунтына кім жазылғанын бақылай алады;
- Жасөспірімнің бұғаттаған пайдаланушыларын көре алады.
Егер 16 жасқа толмаған бала сағат 22:00-ден кейін TikTok-ты ашса, оған тыныштандыратын музыкамен толық экранды хабарлама шығып, үзіліс жасау керектігі ескертіледі. Егер бала қосымшаны қолдануды жалғастырса, тағы бір толық экранды ескерту пайда болады.
Қазіргі уақытта TikTok ата-аналарға арналған 15-тен астам қауіпсіздік параметрін ұсынады, оның ішінде экран уақытын шектеу және аккаунтты жекеге ауыстыру мүмкіндігі бар.