Ең арзан мемлекет: Қазақстан – тиімді туристік бағыттардың бірі атанды
HelloSafe сақтандыру сервисінің зерттеуіне сәйкес, Қазақстан қолжетімді туризм бойынша үздік үш елдің қатарына енді. Сарапшылардың мәліметінше, мұнда бір күндік саяхаттың орташа құны – 15 фунт стерлингті (шамамен 10 000 теңге) қамтиды. Бұл сомаға қонақүй, тамақтану және көлік шығындары кіреді.
Мамандардың пікірінше, Қазақстан, Өзбекстан және Қырғызстан ТМД аумағындағы ең арзан туристік бағыт. Соңғы жылдары бұл елдердің ерекше мәдениеті, әсем табиғаты және бюджеттік саяхат мүмкіндіктері шетелдік қонақтарды өзіне баурауда. Қолжетімді бағамен сапалы қызмет ұсынатын бұл мемлекеттер келушілер үшін таптырмас таңдау болып отыр.